• Abdurashid Yo'ldoshev - O'zbekiston

    Abdurashid Yo'ldoshev

    O’zbekiston

    Ilk ko’rganing yildir vatan,
    Ilk ko’rganing nurdir vatan,
    Bu dunyoni ming yil kezsang,
    Topib bo’lmas durdir vatan.

    Ozod elning ovozasi,
    Obod yurtning andozasi,
    Xush niyatli do’st-yor uchun
    Ochiq bu yurt darvozasi.

    Ozod yurtdir O’zbekiston,
    Obod yurtdir O’zbekiston,
    Ham sevgiyu sadoqatdan
    Bunyod yurtdir O’zbekiston. (x2)

    Matonati bobo meros,
    Muhabbati momo meros,
    Lutfin nuri Navoiydek,
    Marddir Amir Temurga xos.

    Quyosh bilan qarindosh el,
    Ma’rifati bir quyosh el,
    O’zbek desa, olam bilar,
    Ham daryo dil, ham dildosh el.

    Ozod yurtdir O’zbekiston,
    Obod yurtdir O’zbekiston,
    Ham sevgiyu sadoqatdan
    Bunyod yurtdir O’zbekiston. (x2)

    Bobolari yuzdan oshib,
    Momolari yuzdan oshib,
    Yashaydilar tinchlik tilab,
    Kaftlaridan duo toshib.

    Ozod yurtdir O’zbekiston,
    Obod yurtdir O’zbekiston,
    Ham sevgiyu sadoqatdan
    Bunyod yurtdir O’zbekiston. (x2)