• Oyga ergashsagu, yerni ko`rmasak,
    Peshonadan tomgan terni ko`rmasak. (x2)
    Eldan olib tursagu, elga bermasak, {x2}
    Yurtning bolasiman deganimiz bekor. {x2}

    Ota obro`siga ko`ksimiz kerib,
    Yursak yulduzlarni benarvon urib, (x2)
    Nogoh yiqilsagu, ketmasak turib, {x2}
    Mardning bolasiman deganimiz bekor. {x2}

    Bir chimdim alamga qaddimiz buksak,
    Nomard poyin o`pib, unga tiz cho`ksak, (x2)
    Qizg`aldoq misoli bargimiz to`ksak,
    Tog`ning lolasiman deganimiz bekor. {x2}

    Bolamiz yig`lab tursa, ko`zga ilmasak,
    Ota-ona motamida yig`lay bilmasak,
    Daryolar to`lsa-yu, biz-chi to`lmasak,
    Qalbning nolasiman deganimiz bekor. {x2}

    Osmondagi har qanday bulut yomg`ir to`kolmas,
    Mardning bolasini nomard bukolmas,
    Do`stim, agar bizni elimiz tan olmas,
    Elning bolasiman deganimiz bekor. {x2}

    Oyga ergashsagu, yerni ko`rmasak,
    Peshonadan tomgan terni ko`rmasak.
    Eldan olqish olsagu, xizmatin qilmasak,
    Eldan duo olsagu, xizmatin qilmasak,
    Yurtning san’atkoriman deganimiz bekor,
    Elning san’atkoriman deganimiz bekor.

    Do`stim, agar bizni elimiz tan olmas,
    Yurtning bolasiman deganimiz bekor. {x2}