• Alisher Fayz - Shamol (2017) qo'shiq matni, lyrics

    Alisher Fayz

    Shamol (2017)

    Shamol… shamol…

    Tug`ilgan kuningda sendan olisda,
    Ne taqdirki, yoring ham yolg`iz-da.
    Rizqini har joydan terar har banda,
    Bu mavzuda har kim ham ojiz-da.

    Ko`ngil yorib aytsam to`g`risin,
    Yolg`izim, o`zing yuragim o`g`risi.
    Sog`inganda ichim og`risa,
    Yoningda bo`lgim kelar.

    Shamol keltirsa-yey yorim, muattar atringni,
    Xayol keltirsa-yey ko`z oldima gul rasmingni.
    Visol keltirsa-yey, la’li labingda bol keltirsa,
    Labingda bol keltirsa…

    Tug`ilgan kuningda dil izhorim bo`lib,
    Tabassumim borsa qizil gullarda.
    Balki omadimning kichik badali bo`lib,
    Umrim o`tmoqdami uzoq yo`llarda?

    Atirgul tikoni bag`ring o`yib,
    Xo`rsinasan yoki yig`larsan to`yib.
    Hammasini bir kun bir chetga qo`yib,
    Yoningda bo`lgim kelar.

    Shamol keltirsa-yey yorim, muattar atringni,
    Xayol keltirsa-yey ko`z oldima gul rasmingni.
    Visol keltirsa-yey, la’li labingda bol keltirsa,
    Labingda bol keltirsa… (x1+x1)

    Shamol… shamol…

    Ushbu qo`shiq matni uchun Shahnoza (@shahnoz_art)ga minnatdorchilik bildiramiz.