• Anvar G'aniyev - Ko'ngil ko'chalari

    Anvar G'aniyev

    Ko’ngil ko’chalari

    Kengsan o`n sakkiz ming olam,
    Torsan igna ko`zidan ham,
    Goho og`u , goho malham
    Ko`nglima, ko`nglima, ko`nglim.

    Goho og`u , goho malham
    Ko`nglima, ko`nglima, ko`nglim.

    Charaqlagan kun ham o`zing,
    Zim-zimiston tun ham o`zing,
    Gul ham o`zing, xun ham o`zing,
    Ko`nglima, ko`nglima, ko`nglim.

    Gul ham o`zing, xun ham o`zing,
    Ko`nglima, ko`nglima, ko`nglim.

    Raftoring-u, fe’ling turfa,
    Eling-u, noeling turfa,
    Ko`ngilsan-u, diling turfa,
    Ko`nglima, ko`nglima, ko`nglim.

    Ko`ngilsan-u, diling turfa,
    Ko`nglima, ko`nglima, ko`nglim.

    Hayot – abad, umr – soat,
    Qahr mo`ldir, mehr qahat.
    Unutmagin shuni faqat,
    Ko`nglima, ko`nglima, ko`nglim.

    Unutmagin shuni faqat,
    Ko`nglima, ko`nglima, ko`nglim.

    Ko`chalaring bisyor, bisyor,
    Biri obod, biri abgor,
    Biri kengdir, birisi tor,
    Ko`nglima, ko`nglima, ko`nglim.

    Qulingdirman, izmingdaman,
    Izmingdaman, tizgindaman,
    Yaxshi ko`y top yuz ming qadar,
    Ko`nglima, ko`nglima, ko`nglim.

    Yaxshi ko`y top yuz ming qadar,
    Ko`nglima, ko`nglima, ko`nglim. {x4}

    Ushbu qo`shiq matni uchun Shahnoza (@shahnoz_art)ga minnatdorchilik bildiramiz.