• Har kunimdan bir saboq qolar,
    Qadringga yetmadim, malikam.
    Olsa jonim, shu gunoh olar,
    Qadringga yetmadim, malikam.

    Tunlar diling ko`zyoshga botib,
    Tonglar kulding xandalar otib,
    Seni shundoq qo`ydim yo`qotib,
    Qadringga yetmadim, malikam.

    Seni ko`p sog`indim, erkam,
    Qaniydi bir bora ko`rsam,
    Dardlarimni o`zingga aytsam,
    O-o-oh, malikam.

    Juft qaldirg`och baxtdan in qursa,
    Tikon gulni erkalab tursa,
    Bu dunyoda bir baxtsiz yursa,
    Qadringga yetmadim, malikam.

    Armon boshda boshim bo`lib,
    Ichgan oshim nolishim bo`lib,
    Hijron qoldi xonishim bo`lib,
    Qadringga yetmadim, malikam.

    Seni ko`p sog`indim, erkam,
    Qaniydi bir bora ko`rsam,
    Dardlarimni o`zingga aytsam,
    O-o-oh, malikam.

    Seni ko`p sog`indim, erkam,
    (Seni ko`p sog`indim, erkam)
    Qaniydi bir bora ko`rsam,
    (Qaniydi bir bora ko`rsam)
    Dardlarimni o`zingga aytsam,
    (Dardlarimni o`zingga aytsam)
    O-o-oh, malikam. (Malikam)

    Seni ko`p sog`indim, erkam,
    Qaniydi bir bora ko`rsam,
    Dardlarimni o`zingga aytsam,
    O-o-oh, malikam. (x2)