• Azim Mullaxonov - Go'zalimsan

    Azim Mullaxonov

    Go’zalimsan

    Tashlama menga, jonim, o’tli nigohing,
    Sehrlab olganingdan yo’qmi ogohing.
    Uyg’otmagil qalbimda kuchli g’alayon,
    Istasang gar, bo’lurman sening hamrohing.

    Uyg’otmagil qalbimda kuchli g’alayon,
    Istasang gar, bo’lurman sening hamrohing.

    Go’zalimsan, asalimsan, bir umrga sevgilim,
    Mushtoq etma, so’zlaringga, jilo sochgan bir gulim.

    Boqsam, sira to’ymayman gulgun yuzingga,
    Buncha mushtoq etmagil shirin so’zingga.
    Senga yurak intilar, sohibjamolim,
    Dilim qolgan bog’lanib faqat o’zingga.

    Go’zalimsan, asalimsan, bir umrga sevgilim,
    Mushtoq etma, so’zlaringga, jilo sochgan bir gulim.

    Surarman sen haqingda doimo xayol,
    Siymoing butun ongim etgandi ishg’ol.
    Shirin orzu-umidlar tug’dirar ishonch,
    Balki, sen ham sevarsan meni, ehtimol.

    Go’zalimsan, asalimsan, bir umrga sevgilim,
    Mushtoq etma, so’zlaringga, jilo sochgan bir gulim.

    Jilo sochgan bir gulim, jilo sochgan bir gulim.