Mening dilbar onam, farishtam onam,
Siz mening g`ururim, asragan ko`zim.
O`tinchim – g`am chekmang o`g`lim yo`q deya,
O`zim sizga qalqon, qo`rg`onman o`zim.

Beshigimni allalab
Tunni tongga ulagan,
Bolasining taxtin emas,
Yorug` baxtin o`ylagan.

Armonlarin bildirmay
Bu yolg`onchi dunyoda,
Dil mayliga berilmay,
Yayrabgina yurmagan. (x2)

Onajonim, umringizni
Men Xudodan so`rayman,
O`zim baxtman, boshdan-oyoq
Sizni baxtga o`rayman. (x2)

Dushmanimga do`st bo`lay deb,
Ko`nglin oldim – bilmadi,
Do`st degani o`ydi ko`zim,
Do`stning ishin qilmadi.

Ikki jahon ovorasi
Bo`lganimcha ba`zida
Dilim yorsam, sizdan bo`lak
Yaqin kishim bo`lmadi. (x2)

Onajonim, umringizni
Men Xudodan so`rayman,
O`zim baxtman, boshdan-oyoq
Sizni baxtga o`rayman. (x2)

Gar yiroqda bo`lsangiz ham,
Mehringizdan ko`nglim to`q.
Sog`inganda yig`lab-yig`lab,
O`ylamagan kunim yo`q.

Yeru-ko`kka ishonmayin,
Ko`zlarimda asrayman.
Onang bo`lsa senga boqqan,
Balolar yo`q, o`lim yo`q. (x2)

Onajonim, umringizni
Men Xudodan so`rayman,
O`zim baxtman, boshdan-oyoq
Sizni baxtga o`rayman. (x2)

O`zim baxtman, boshdan-oyoq
Sizni baxtga o`rayman…

Ushbu qo`shiq matni uchun Shahnoza (@shahnoz_art)ga minnatdorchilik bildiramiz.

Qo'shiq haqida ma'lumot

Nomi:
Ona
Xonanda:
Aziza Niyozmetova
Muallif:
Bastakor:
Klipmeyker:
Albom:
Yubordi:
Sana:
February 26, 2017