Botir Yaminov

Omad

Derlar o’n beshin qaro, o’n beshin yorug’,
Omadsizlik meni qiynar tunu kun.

Omadim yo’q, omadsizman, dema,
Hali sen uchun ham tonglar otadi.
Omadim yo’q, omadsizman, dema,
Sen uchun ham hali tonglar otadi.

Suyanganim do’st edi, ishonganim yor edi,
U go’zal dildor edi, ishonganim bor edi.
Omadsizlik ishimda ham, hayotda, turmushimda ham,
Hatto tushu o’ngimda ham qiynayverar savollari.

Omadim yo’q, omadsizman, dema,
Hali sen uchun ham tonglar otadi.
Omadim yo’q, omadsizman, dema,
Sen uchun ham hali tonglar otadi.

Falaklarga yolvorib, yulduzlardan so’radim,
Kelarmikan omadim, so’rayman.
Egib boshim bu savdolar, qachon tugar bu g’avg’olar,
Kelarmikan bu davronlar omad kulib menga ham?

Omadim yo’q, omadsizman, dema,
Hali sen uchun ham tonglar otadi.
Omadim yo’q, omadsizman, dema,
Sen uchun ham hali tonglar otadi.