• Diyor guruhi - Yolg'izim

    Diyor guruhi

    Yolg’izim

    Sen ketgan kundan boshlab ko`zlarimda nam,
    Yuragimni bir senga berib bo`lganman.
    Tunu kun endi sensiz halovatim yo`q,
    Seni unutay deyman, iloji yo`q.

    Sensiz aslo yuzimda quvonch ko`rinmas,
    Sensiz hatto ko`zimda o`zim o`zimmas.
    Ishon, yolg`izim, seni yomon sog`indim,
    Har kuni ko`zyoshimdan ovundim.

    To`kilar ko`zlarimdan yomg`irlar sensiz,
    Orzular, nahot qaytmas u damlar, esiz.
    Yolg`izim, senga ham, ayt qiyinmi mensiz?
    Sevganim sen eding, hayotimda tengsiz.

    Qachongacha bu dardlar vujudim ezar?
    Sen ham meni sevasan, yuragim sezar.
    Bir bor ko`rarmikan deb, kezaman hamon,
    Ko`nikolmayman, sog`indim, ishon.

    Bunchalar bizning taqdir shafqatsiz bo`lsa,
    Qaniydi ko`zlaringni so`nggi bor ko`rsam.
    Seni degan yuragim qo`lingga tutib,
    Yashar edim o`zimni unutib.

    To`kilar ko`zlarimdan yomg`irlar sensiz,
    Orzular, nahot qaytmas u damlar, esiz.
    Yolg`izim, senga ham, ayt qiyinmi mensiz?
    Sevganim sen eding, hayotimda tengsiz.