• Farhod va Shirin - Oshiq bo'lsa har kishi

    Farhod va Shirin

    Oshiq bo’lsa har kishi

    Oshiq bo`lsa har kishi,
    Devona bo`ldim deydi.
    Adashib yo o`ngu-tushi,
    Ravona bo`ldim deydi.

    Oshiq yo`q mendan o`zga-yey,
    Yagona bo`ldim deydi.
    Aqlu-xushu ham so`zga-yey
    Begona bo`ldim deydi.

    Sayrar goh misli to`ti,
    Bulbulday goh chog`lanar.
    Yondirib bu sevgi o`ti,
    Parvona bo`ldim deydi.

    Shohman demas yo g`arib,
    Yurak bag`ri dog`lanar.
    O`zi-o`zini axtarib,
    Hayrona bo`ldim deydi.

    Oshiq bo`lsa har kishi,
    Devona bo`ldim deydi.
    Adashib yo o`ngu-tushi,
    Ravona bo`ldim deydi.

    Oshiq yo`q mendan o`zga-yey,
    Yagona bo`ldim deydi.
    Aqlu-xushu ham so`zga-yey
    Begona bo`ldim deydi.

    Goh ishonib, goh tonib,
    Yashirolmay rashkini.
    Kuyib-kuyib, oh yonib,
    Bir yona bo`ldim deydi.

    Bobur kabi giriftor,
    To`xtatolmay ashkini,
    Yonib-yonib yig`lab zor,
    Giryona bo`ldim deydi.

    Oshiq bo`lsa har kishi,
    Devona bo`ldim deydi.
    Adashib yo o`ngu-tushi,
    Ravona bo`ldim deydi.
    Oshiq yo`q mendan o`zga-yey,
    Yagona bo`ldim deydi.
    Aqlu-xushu ham so`zga-yey
    Begona bo`ldim deydi. (x1+x1)

    Ushbu qo`shiq matni uchun Shahnoza (@shahnoz_art)ga minnatdorchilik bildiramiz.