• G'ulomjon Yoqubov - Qalbimni qaytar

    G'ulomjon Yoqubov

    Qalbimni qaytar

    Sen ketding kuzda, qoldim kuzatib,
    Yolg’iz bir o’zim, (x2)
    Omon qayt dedim, qo’lim uzatib,
    Ko’zingda ko’zim.

    O’zim qoldimu,
    Yuragim saning izmingda ketdi, (x2)
    Orzu-umidim,
    Tilagim saning ko’zingda ketdi.

    Qaytar chog’ingni kutdim intizor,
    Ko’zim to’rt bo’lib, ko’zim to’rt bo’lib.

    Shahardan qaytding, shahardan qaytding,
    Ayni navbahor, diling yot bo’lib,
    Qalbing yot bo’lib.

    O’zing o’sha-yu, ko’zing o’sha-yu,
    Yuraging boshqa,
    Qalbingga asta nazar solsam,
    O’xshaydi toshga.

    Lekin sen mening, lekin sen mening
    Qalbimni qaytar, qaytar o’zimga,
    Qaytar o’zimga.

    So’ngra ko’rinma, ey sevgi sotar,
    Zinhor ko’zimga.

    Qalbimni qaytar, qaytar o’zimga,
    Qaytar o’zimga…