• Ko`zdan qochdi yog`dularim,
    Yuzdan qochdi kulgularim.
    Qum singari sochildimi
    Orzularim, orzularim? (x2)

    Baxtim yoshday oqib ketdi,
    Ko`ksimga o`t yoqib ketdi.
    Men ko`ziga to`ymay turib,
    Yor o`zgaga boqib ketdi.

    Kimga boqar, kimga boqar,
    Yorim endi kimga boqar?
    Sog`inganda ko`rolmay,
    Ko`zlarimdan yoshim oqar.

    Kungaboqar, kungaboqar,
    Yorim endi kimga boqar?
    Sog`inganda ko`rolmay,
    Ko`zlarimdan yoshim oqar-ey.

    Boshim uzra bir soya yo`q,
    Armonlardan himoya yo`q.
    Sendek sariq endi rangim,
    Menga dardkash dunyoda yo`q.

    Bog`lar intiq bahoriga,
    Suvlar intiq anhoriga,
    Sen nurga zor kungaboqar,
    Men zorman yor diydoriga.

    Kimga boqar, kimga boqar,
    Yorim endi kimga boqar?

    Kungaboqar, kungaboqar,
    Yorim endi kimga boqar?
    Sog`inganda ko`rolmay,
    Ko`zlarimdan yoshim oqar. (x2+x1)

    Kimga boqar, kimga boqar,
    Yorim endi kimga boqar?
    Sog`inganda ko`rolmay,
    Ko`zlarimdan yoshim oqar-ey.

    Ushbu qo`shiq matni uchun Rauf Nazirjonovga minnatdorchilik bildiramiz.