Ilhom Farmonov

Ona

Nur to`la ko`zlarda ma’no ko`p,
Siz aytgan so`zlarda ma’no ko`p, (x2)
Siz kabi onalar bor yurtda
Olim ko`p, shoir ko`p, dono ko`p. (x2)

O`ttizga kirsak ham, ona, biz
Baribir siz uchun bolamiz.
Qirqqa kirsak ham, onajon,
Baribir siz uchun bolamiz.

Uzmayin duolar zanjirin,
Siylaysiz farzandlar har birin. (x2)
Kelinlik, kuyovlik bo`lsak ham,
Ko`rmaymiz mehringiz oxirin. (x2)

Qirqqa kirsak ham, ona, biz
Baribir siz uchun bolamiz.
Ellikka kirsak ham, onajon,
Biz baribir siz uchun bolamiz.

Quyoshsiz bizga nur ulashgan,
Tojimsiz boshimga yarashgan. (x2)
Avf eting e’tiborsiz qoldirib,
Bo`lsak biz salgina adashgan.

Oltmishga kirsak ham, ona, biz
Baribir siz uchun bolamiz.
Garchi shoh bo`lsak ham, ona, biz
Baribir siz uchun bolamiz.

Nur to`la ko`zlarda ma’no ko`p,
Siz aytgan so`zlarda ma’no ko`p,
Siz kabi onalar bor yurtda
Olim ko`p, shoir ko`p, dono ko`p.

Siz kabi onalar bor yurtda
Olim ko`p, shoir ko`p, dono ko`p.