• Jasur Umirov - O'zbek

    Jasur Umirov

    O’zbek

    Qiyosi yo`q uning, mehri bir daryo,
    O`xshasa o`ziga o`xshaydi o`zbek.
    Boshqa millatlarni bilmadim, ammo
    Dunyoda bolam deb yashaydi o`zbek!

    O`nta bo`lsa, o`rni boshqa uningchun,
    O`g`lim – otashimdan yaralgan uchqun,
    Qizim parilardan chehrasi gulgun,
    Qoshlari qalam, deb yashaydi o`zbek!

    Bir qo`lda belanchak, bir qo`lda Qur’on,
    Bir yelkada ketmon, birida iymon.
    Barchaga barobar oftobsimon,
    Yashnasin olam deb yashaydi o`zbek!

    O`zbek, o`zbek,
    Dunyo tan oldi seni, buyuk millat.
    O`zbek, o`zbek,
    Dunyo durdonasi, go`zal Vatanim.

    Bobolari qaysi yigitlardan kam,
    Momolari xushro`y yuzdan oshsa ham.
    Zurriyodlari bo`lsa bitta uyga jam,
    To`shak yetmay, to`nin to`shaydi o`zbek!

    Ehtirom etganda ehromlari bor,
    Kekkayganga bo`yin egmaydi zinhor.
    Beshik to`la jajji islomlari bor,
    Tosh o`tmas qo`rg`onga o`xshaydi o`zbek!

    Qiyosin topdingmi, aytgin Muhammad?
    O`xshasa o`ziga o`xshaydi o`zbek.
    Yomon qo`shiq aytsang ham, betingdan o`pib,
    Kam bo`lma, bolam, deb yashaydi o`zbek!

    O`zbek, o`zbek,
    Dunyo tan oldi seni, buyuk millat.
    O`zbek, o`zbek,
    Dunyo durdonasi, go`zal Vatanim.