• Kozim Qayumov - Eng gullagan yoshlik chog'imda

    Kozim Qayumov

    Eng gullagan yoshlik chog’imda

    Eng gullagan yoshlik chog’imda,
    Sen ochilding ko’ngil bog’imda.
    Shunda ko’rdi ko’zim bahorni,
    Shunda qalbim tanidi yorni.

    Quchoq-quchoq gullar terganim
    Va keltirib senga berganim
    Kechagiday hamon esimda,
    Har soniya, har on esimda.

    Shundan beri tilimda oting,
    Shundan beri dilimda oting.
    Eng gullagan yoshlik chog’imda,
    Sen ochilding ko’ngil bog’imda.

    Quchoq-quchoq gullar terganim
    Va keltirib senga berganim
    Kechagiday hamon esimda,
    Har soniya, har on esimda.

    Shundan beri tilimda oting,
    Shundan beri dilimda oting.
    Eng gullagan yoshlik chog’imda,
    Sen ochilding ko’ngil bog’imda.