Mahmud Namozov

Sevib-sevilmagan qiz

Senga hech bag`rini ochmadi dunyo,
Muhabbat yo`q deysan, muhabbat ro`yo.
Ohingdan ohlarim – eng mungli navo,
Sevib-sevilmagan qiz, sevilmagan qiz. (x2)

Muhabbat barg edi – xazon bo`ldimi,
Unga muhabbating arzon bo`ldimi?
Kuyganing-suyganing armon bo`ldimi,
Sevib-sevilmagan qiz, sevilmagan qiz? (x2)

Yig`laysan, ko`zingda xalqa-xalqa yosh,
Osmoning tark etib ketdimi quyosh?
Sevgingni bilmadi sen sevgan sirdosh,
Sevib-sevilmagan qiz, sevilmagan qiz? (x2)

Yig`lama, o`ksima, g`amlaring ketar,
Bir kuni musaffo tonglaring otar.
O`shanda bag`ritosh qadringga yetar,
Sevib-sevilmagan qiz, sevilmagan qiz. (x2)

Muhabbat barg edi – xazon bo`ldimi,
Unga muhabbating arzon bo`ldimi?
Kuyganing-suyganing armon bo`ldimi,
Sevib-sevilmagan qiz, sevilmagan qiz?

Yig`lama, o`ksima, g`amlaring ketar,
Bir kuni musaffo tonglaring otar.
O`shanda bag`ritosh qadringga yetar,
Sevib-sevilmagan qiz, sevilmagan qiz.