Aylanadi kun va tun,
Aylanadi bu gardun,
Azaldan farzand baxtli
Ota-ona bor uchun.
Hayotning mag`zi mehnat,
Taqdir, turfa vaziyat,
Bolam deb, chekib zahmat,
Ular tortar aziyat.
Onajon, mehringiz bol,
Siz deya topdim kamol.
Erkaligim, sho`xligim
Sizga kelmaydi malol.
Otajon, ilk ustozim,
Siz-la baland parvozim.
Qadringizni chin bilib,
Dilda bisyor e’zozim.
Birlari bo`lib quyosh,
Birlari misoli oy,
Ota-ona bo`lib bizga bosh,
Umrimiz sochar chiroy.
Yashaymiz shod, baxtiyor,
Ortda qolib zahmatlar.
Ota-onamizga bor
Yurakda chin rahmatlar.
Onajon, mehringiz bol,
Siz deya topdim kamol.
Erkaligim, sho`xligim
Sizga kelmaydi malol.
Otajon, ilk ustozim,
Siz-la baland parvozim.
Qadringizni chin bilib,
Dilda bisyor e’zozim. (x1+x1)
