• Osmonim bag`ridan yog`ayotgan qor,
    Baxillik, balchiqqa qorishmagin-a.
    Hasadning qo`lida qattiq tosh bo`lib,
    Havas-la talashib, tortishmagin-a. (x2)

    Osmonim bag`ridan yog`ayotgan qor,
    Yerga tushmay turib erib ketgin-ey.
    Nokas oyoqlarda bo`lmagin sen xor,
    O`zingdek pok qalbga singib ketgin-ey. (x2)

    Osmonim bag`ridan yog`ayotgan qor,
    Kumushdek sozginam, oppoq qishginam.
    Tabiatga orom, bahorga orzu,
    Otashin yozimda shirin tushginam. (x2)

    Osmonim bag`ridan yog`ayotgan qor,
    Yerga tushmay turib erib ketgin-ey.
    Nokas oyoqlarda bo`lmagin sen xor,
    O`zingdek pok qalbga singib ketgin-ey. (x2)

    Osmonim bag`ridan yog`ayotgan qor,
    Bo`ron, chaqmoqlarga turtilmagin-a.
    Kuzning xazonidan bo`lmayin bezor,
    Sen mendan yiroqlab kutdirmagin-a.