• Nilufar Usmonova - Xush kelding bahor

    Nilufar Usmonova

    Xush kelding bahor

    Mana yana bahor, gulzor bog`imda,
    Tabiat uyg`onar ko`z qarog`imda.
    Shukur, sog`lom bolajonim qaynoq bag`rimda,
    Bahorim, ketmagin, qol Vatanimda.

    Yoshlikday ulg`aygin, kurtaklar ochib,
    Qishning ayozlari ketsinlar qochib.
    Quyoshing nurlarin mehr-la sochib,
    Bahorim, ketmagin, qol Vatanimda.

    Yurtimga yarashar bir tumorimsan,
    Fasllar ichida ko`p xumorimsan.
    Intiqib kutganim, kun nahorimsan,
    Yomg`irlari, tunlari, tonglari xush bahorimsan.

    Gullarga burkagin qorli tog`larni,
    Uyg`ot-uyg`ot xazonga to`lgan bog`larni.
    Baxsh etib bizlarga baxtli chog`larni,
    Bahorim, qolaqol, xur Vatanimda.

    Yam-yashil maysalar, alvon lolasi,
    Yangi kunni kuylar qushlar nolasi.
    Ko`ngilni, dillarni shod qil Navro`z taronasi,
    Bahorim, ketma, qol gul Vatanimda.

    Yurtimga yarashar bir tumorimsan,
    Fasllar ichida ko`p xumorimsan.
    Intiqib kutganim, kun nahorimsan,
    Yomg`irlari, tunlari, tonglari xush bahorim. (x2)

    Yomg`irlari, tunlari, tonglari xush bahorimsan,
    Bahorimsan, bahorimsan…