• Sizga umid, sizga armon bog`ladik,
    Qayting endi, qayting endi, turnalar.
    Goh chog`ladik, goho dilni bog`ladik,
    Qayting endi, qayting endi, turnalar. {x2}

    Yo`llarida bo`zlab-bo`zlab o`tmayin,
    Ko`ringanga so`zlab-so`zlab o`tmayin,
    Umrim bo`yi ko`zlab-ko`zlab o`tmayin,
    Qayting endi, qayting endi, turnalar. {x2}

    Oppoq-oppoq qanotingiz tolmag`ay,
    Bahor sizning ortingizdan qolmag`ay,
    Hijron dilga ortiq dog`lar solmag`ay,
    Qayting endi, qayting endi, turnalar. {x2}

    Kuydiringlar qishning qaro qahrini,
    Bildiringlar ul sanamga ahdini,
    Kuldiringlar men g`aribning baxtini,
    Qayting endi, qayting endi, turnalar. {x4}