• Nuriddin Haydarov - Davlating borida

    Nuriddin Haydarov

    Davlating borida

    Davlating borida, avjing zo’rida
    Yo’qlab kelar, hatto begonalar ham, begonalar ham.
    Davlating yo’g’ida, baxting sho’rida
    Saloming olmaydi devonalar ham, devonalar ham.

    Davlating borida, baxting to’rida,
    Izlaringni o’par mastonalar ham. (x2)
    Chirog’ing o’chganda, do’stki do’st, hatto,
    Ko’changdan o’tmaydi qadrdonlar ham, qadrdonlar ham. (x2)

    Bo’yningga ilsang ham gado to’rvasin,
    Ichmagil nomardning yog’li sho’rvasin.
    Allohimdan so’ra, bergay barchasin,
    Oltinga aylangay ostonalar ham.

    Kecha yonginamda yurganding, yo Rab,
    Ko’zim oynasida sochlaring tarab.
    Bugun-chi izingdan qoldim-ku qarab,
    Demak, rost ekan-da afsonalar ham, afsonalar ham.

    Yulduzdek bir yondik, o’charmiz, jonim,
    Hijron yo’q joylarga ketarmiz, jonim.
    Sadoiydan yodgor senga bu qabrim, {x2}
    Sarg’aydi xonishlar, taronalar ham, taronalar ham.

    Davlating borida, avjing zo’rida
    Yo’qlab kelar, hatto begonalar ham, begonalar ham.
    Davlating yo’g’ida, baxting sho’rida
    Saloming olmaydi devonalar ham, devonalar ham.

    Davlating yo’g’ida, baxting sho’rida
    Saloming olmaydi devonalar ham, devonalar ham…