• [Og’abek Sobirov]
    Bir qiz kuylar, ovozidan tosh erir,
    Nolalari samolarni titratar. (x2)
    Tinglaguvchi ko`ngillarni rom etar,
    U senmiding, u senmiding, senmiding?

    [Malika Egamberdiyeva]
    Bir sas kelar Xorazm tomonlardan,
    Avj pardasi jaranglar osmonlardan.
    Hofiz chiqmas asli bad, yomonlardan,
    U sizmisiz, u sizmisiz, sizmisiz?

    [Og’abek Sobirov]
    U senmiding, u senmiding, senmiding?

    Ul daryoning mavjiga asir bo`ldim,
    Ham nolang-u, avjingga asir bo`ldim,
    Yurgan edim daragingni axtarib,
    U senmiding, u senmiding, senmiding?

    [Malika Egamberdiyeva]
    Qo`shig`ingiz sehri dilimga darmon,
    Suvorangiz eshitganda yo`q armon. (x2)
    Izlar edim o`shal hofiz qaydadir,
    U sizmisiz, u sizmisiz, sizmisiz?

    [Og’abek Sobirov]
    U senmiding, u senmiding, senmiding ?

    Qo`llarimda Komiljonning tori bor,
    Yuragimda Xorazmning ori bor. (x2)
    Kuylagayman toki tanda jonim bor,
    U mendirman, u mendirman, u menman.

    [Malika Egamberdiyeva]
    Toshqin daryo dilimga olov solgan,
    Gul, lolalar meni chindan rom qilgan.
    Sozning sehri aqlu-hushimni olgan,
    U mendirman, u mendirman, u menman.

    [Og’abek Sobirov]
    U senmiding, u senmiding, senmiding?
    [Malika Egamberdiyeva]
    U sizmisiz, u sizmisiz, sizmisiz?
    [Og’abek Sobirov]
    U mendirman, u mendirman, u menman.

    Ushbu qo`shiq matni uchun Shahnoza (@shahnoz_art)ga minnatdorchilik bildiramiz.