• Aslo odamzotga achchiq so`z aytma,
    Faqir-u miskinga qanoat yaxshi. (x2)
    Baxilga yondoshma, yuzini ko`rma,
    Bir ish bitirmakka kifoyat yaxshi. (x2)

    Yetimni ko`rganda kular yuz bergil,
    Qo`lingdan kelsa, unga taom, tuz bergil.
    G`amginni uchratsang, shirin so`z bergil,
    Bechora qullarga himoyat yaxshi.

    G`amginni uchratsang, shirin so`z bergil-o,
    Bechora qullarga himoyat yaxshi.

    Qarilik bir darddur, odam o`ldurmas,
    O`ldurmas-u, tiriklikda kuldirmas. (x2)
    Oriqlig`in it bo`rig`a bildirmas,
    Albatta, dushmanga siyosat yaxshi. (x2)

    Sevgining ishiga qilmag`il badal,
    Qo`ldan kelmas ishga yarashmas jadal.
    Nega kerak senga bu quruq amal?
    Elga himmat, mardga dalolat yaxshi.

    Nega kerak senga bu quruq amal?
    Elga himmat, mardga-yey dalolat yaxshi.

    Avval odam bu dunyoga kelmasa,
    Kelgandan so`ng umr ko`rsa, o`lmasa. (x2)
    Qo`ldan kelgan yaxshi ishing bo`lmasa,
    Ko`ngul ichra, do`stlar, pok niyat yaxshi. (x2)

    Go`ro`g`libek, elga aytdim nasihat,
    Ko`ngli qaro bilan bo`lmanglar ulfat.
    Tangrim bersa saodatli bir farzand,
    Qarigan chog`ingda yosh etar yaxshi.

    Tangrim bersa saodatli bir farzand-ey,
    Qarigan chog`ingda yosh etar yaxshi.

    Aslo odamzotga achchiq so`z aytma,
    Faqir-u miskinga qanoat yaxshi.
    Baxilga yondoshma, yuzini ko`rma,
    Bir ish bitirmakka kifoyat yaxshi. {x2}

    Ushbu qo`shiq matni uchun Shahnoza (@shahnoz_art)ga minnatdorchilik bildiramiz.