Husni ortar yuzda zulfin anbarafshon aylagach,
Sham’ ravshanroq bo`lur torin parishon aylagach. {x2}
Yuzni gullardin bezabmu bizni qurbon aylading?
Yo yuzungga tegdi qonlar bizni qurbon aylagach? {x2}
Tiyg` ila paykonlaring yetti ko`ngul bo`lg`och xarob,
Suv quyub tuxm ekting ul kishvarni vayron aylagach.
Qon emaskim yopti gulgun hulla jannat xozini,
Ishqmu tanni shahid aylarda uryon aylagach?
Oshkor aylab yuzin ko`zumni hayron ayladi,
Yoshurun oldi ko`ngul ko`zumni hayron aylagach. {x2}
Jonda qo`yg`och naqdi ishqin qildi ko`nglumni halok,
O`lturur mahramni sulton ganj pinhon aylagach.
Ey Navoiy, ishq agar ko`nglungni majruh etmadi,
Bas, nedurkim qon kelur og`zingdin afg`on aylagach? {x2}
Ushbu qo`shiq matni uchun Shahnoza (@shahnoz_art)ga minnatdorchilik bildiramiz.
Qo'shiq haqida ma'lumot
- Klipmeyker:
- Albom:
- Yubordi:
- Sana:
- March 22, 2017