• Xazon to`kilgandek yoshim to`kildi,
    Dastingdan tik turgan boshim egildi.
    Asli kim ekaning endi bilindi,
    Bir umrli umidim so`ndi, uzildi.

    Yig`lamading, shunchaki unutding kulib,
    Men esa bag`rimni tirnadim yulib.
    Ayriliq qabriga sevgimni ko`mib,
    Ketmoqdasan uzoqqa, kimlarga ko`nib?

    Oddiyman, koshonam shunchaki kulba,
    Guldan boshqa nima ham berardim senga?
    Suratingga qarab, sog`inib cheksiz,
    Ovunyabman qara, qara, men telba. (x2)

    Bugun yo`l olaman yana sen tomon,
    Visoling ko`zimning ostida hamon.
    Yurak tilkalangan, gapirmas zabon,
    Unutganman dema, sog`indim yomon.

    Qo`limdan kelmadi baxtiyor qilish,
    Qo`limdan kelgani qalbimni yulish.
    Va berish muzlagan shu qo`llaringga,
    Intizor bo`lyapman bu yo`llaringda.

    Kelishing shunchalik qiyin bo`ldimi,
    Charchadingmi yoki ko`ngling qoldimi?
    Yashayotgan sevging qani, o`ldimi,
    Jim turma, javob ber, sabr to`ldimi?

    Bugun yo`l olaman yana sen tomon,
    Visoling ko`zimning ostida hamon.
    Yurak tilkalangan, gapirmas zabon,
    Unutganman dema, sog`indim yomon.

    Oddiyman, koshonam shunchaki kulba,
    Guldan boshqa nima ham berardim senga?
    Suratingga qarab, sog`inib cheksiz,
    Ovunyabman qara, qara, men telba. (x2)

    Ushbu qo`shiq matni uchun Shahnoza (@shahnoz_art)ga minnatdorchilik bildiramiz.