• Do`stlari kelsa-yu, kelmasa bolam,
    Do`stlari kulsa-yu, kulmasa bolam, (x2)
    Bir paytlari sochlarin to`zg`itgan shamol,
    Hovlida yursa-yu, yurmasa bolam. (x2)

    Yaxshi ko`rgan qizi kelib yig`lasa,
    So`ngra to`y bo`lsa-yu, bilmasa bolam, (x2)
    Suratdan chiqolmay, mo`ltirab zor-zor,
    To`ylar muborakni tinglasa bolam. (x2)

    Kuygan kechalarda uyqum kelmayin,
    Milt-milt yulduz bo`lib imlasa bolam,
    Qiynalgan kechalar uyqum kelmayin,
    Milt-milt yulduz bo`lib imlasa bolam,
    G`ira-shiralikdan daraxt, eshikdan
    Bolamdek tursa-yu, kirmasa bolam.

    G`ira-shiralikdan daraxt, eshikdan
    Bolamdek tursa-yu, kirmasa bolam.

    Sahar kosalarga qaymoq to`lsa-yu,
    Keksaygan bu ko`nglim to`lmasa, bolam, (x2)
    Mana qo`limdadir afg`on yulduzing,
    Ordenni bolam deb bo`lmasa, bolam. (x2)

    Do`stlari kelsa-yu, kelmasa bolam,
    Do`stlari kulsa-yu, kulmasa bolam,
    Bir paytlari sochlarin to`zg`itgan shamol,
    Hovlida yursa-yu, yurmasa bolam.

    Yurmasa bolam, kelmasa bolam…