• Oxunjon Madaliyev - Onamning tilagi

    Oxunjon Madaliyev

    Onamning tilagi

    Soddagina onam, xokisor onam,
    Munisgina onam, beozor onam.
    Ko`zida aytmagan dardi bor onam,
    Hofiz bolam, senga ko`z tegmasin, deysiz.

    Ko`zida aytmagan dardi bor onam,
    Hofiz bolam, senga ko`z tegmasin, deysiz.

    Derlar: bitta onang, bitta tanang do`st,
    Yor-og`ayni emas, faqat bolang do`st.
    Tongda joynamozda qilgan nolang do`st,
    Hofiz bolam, senga ko`z tegmasin, deysiz.

    Tongda joynamozda qilgan nolang do`st,
    Hofiz bolam, senga ko`z tegmasin, deysiz.

    Ko`z ochsam, yon-berim olov bo`lganda,
    Qo`shiqlarim boshimga balo bo`lganda,
    Eng yaqin do`stlarim chin yov bo`lganda,
    Hofiz bolam, senga ko`z tegmasin, deysiz.

    O`rgiloyin olisdan yo`qlab kelsangiz,
    Qo`shig`imni tinglab, yig`lab kelsangiz,
    Eng buyuk qo`shig`im siz, agar bilsangiz,
    Hofiz bolam, senga ko`z tegmasin, deysiz.

    Eng buyuk qo`shig`im siz, agar bilsangiz,
    Hofiz bolam, senga ko`z tegmasin, deysiz. {x3}