• Ohunjon Madaliyev - Tog' lolasi

    Oxunjon Madaliyev

    Tog` lolasi

    Esingdami, tog` lolasini
    Ko`kragingga taqib qo`yganim,
    Esingdami, dil navosini
    Kuylab turib boqib qo`yganim.

    Esingdami, buloq boshida
    Ko`ylagingga suv sachratib men,
    Kulib qochganingda o`shanda
    Quvlab, kokilingdan tutganim.

    Kulib qochganingda o`shanda
    Quvlab, sochlaringdan tutganim.

    Kechir meni, og`ritgan bo`lsam,
    Ziyo zulfing ushlab, yuragim,
    Kechir meni, ranjitgan bo`lsam,
    Qora soching ushlab, yuragim.

    Sho`xlik qilib tortibman bilsam,
    Nozikkina, oppoq bilaging.
    Sho`xlik qilib tortibman bilsam,
    Nozikkina, oppoq bilaging.

    Faqat yorim, sendan iltimos:
    Gul sayriga boraylik yana,
    Yillar ortga qaytsin, kel, biroz,
    Kuylashaylik, yor, oshiqona.

    Endi navbat seniki, mayli,
    Ko`ylagimga suv sachratib o`t,
    Lolazorda birga qolaylik,
    Ne istasang, murodingga yet.

    Lolazorda birga qolaylik,
    Ne istasang, murodingga yet. {x3}