• Barmog`imda yuz ochdi oftob,
    Sochlaringga yetganda qo`lim.
    Ko`zlaringdan ichdim mayin ob,
    Ko`ksim uzra to`kilib dilim.

    Ko`zlaringdan ichdim mayin ob,
    Ko`ksim uzra to`kilib dilim.

    Bolishimda balqib yotgan oy,
    O`gushingda nurga cho`mildim.
    Tun qo`ynida jannatiy chiroy,
    Alangangda undi umidim.

    Tun qo`ynida jannatiy chiroy,
    Alangangda undi umidim.

    Baxtim bahor gullaridek mo`l,
    Yulduz qilib sochdim samoga.
    Kapalakka uzatgandim qo`l,
    Qanotlarin yozdi duoga.

    Kapalakka uzatgandim qo`l,
    Qanotlarin yozdi duoga.

    Bolishimda balqib yotgan oy,
    O`gushingda nurga cho`mildim.
    Tun qo`ynida jannatiy chiroy,
    Alangangda undi umidim.

    Tun qo`ynida jannatiy chiroy,
    Alangangda undi umidim.

    Kel, tinglaylik tonggi sabolar,
    Ko`ksimizga tumorlar taqsin.
    Ko`zimizda kulgan vafolar,
    Boshimizda quyoshdek balqsin.

    Ko`zimizda kulgan vafolar,
    Boshimizda quyoshdek balqsin.

    Bolishimda balqib yotgan oy,
    O`gushingda nurga cho`mildim.
    Tun qo`ynida jannatiy chiroy,
    Alangangda undi umidim.

    Tun qo`ynida jannatiy chiroy,
    Alangangda undi umidim.

    Ushbu qo`shiq matni uchun Shahnoza (@shahnoz_art)ga minnatdorchilik bildiramiz.