Ozodbek Nazarbekov

Anjanchasiga

Anjanliklar chaqaloqni ham
Sizlashadi anjanchasiga,
Nondek shirin yumshoqlik bilan
So’zlashadi anjanchasiga.

Ota meros anjirli bog’lar,
Oqlangan uy, tandir, o’choqlar, (x2)
Shahrixoniy taqib pichoqlar,
Yurishadi anjanchasiga. {x4}

Bog’larida askiya, bazm,
Zo’ri edi Abdulhay Mahsum. (x2)
So’z mag’zini qilishib xazm,
Kulishadi anjanchasiga. {x4}

Har guzarida bitta choyxona,
Otamlashgan nuqta choyxona, (x2)
Asakada “Cho’ntak” choyxona,
Choylashadi anjanchasiga. {x4}

“Bog’im bor”ga zo’rlar o’ynaydi,
Sho’xrog’idan ayt, deb qo’ymaydi. (x2)
Qorin to’yar, ko’ngil to’ymaydi,
Shinavanda anjanchasiga. {x4}

Savdogarlar pulni “soqqa” deb,
Yurt kezishar bola-chaqa deb. (x2)
“E ishano’ring, bizga aka” deb,
Kiydiradi anjanchasiga. {x4}

Bilmaganlar Dardoqqa kelsin,
Oyim, Shirmonbuloqqa kelsin, (x2)
Devziradan qo’ling o’rgilsin,
Oshlashadi anjanchasiga. {x4}

Musofirlik Boburdan meros,
Shoirlari bevafo biroz.
Musofirlik Boburdan meros,
Xofizlari bevafo biroz.
Topaman deb, topaman deb poytaxtda e’zoz,
Yashasa ham Toshkanchasiga,
Kuylashadi anjanchasiga. {x4}

Suvlar sepib, ko’llatib qo’yib,
Rayhon isin taratib qo’yib, (x2)
Bedanani sayratib qo’yib,
Yayrashadi anjanchasiga. {x4}

Anjanliklar fe’li shunaqa,
Mehmonnavoz eli shunaqa. (x2)
Afrikalik, Parijlikni ham
Oshna deydi anjanchasiga. {x4}