Husn-u jamol ichinda nechakim kamoli bor,
Oyning qachon sening kibi husn-u jamoli bor. (x2)
Umrinda gul yuzunga o`zun bir dam o`xshatib,
Bo`lmish araqta g`arq, hanuz infioli bor.
Gulgun qabo netak quchar ul inchka belni,
Afsun o`qurmu yoxud oning o`zga oli bor.
Husn-u jamol ichinda nechakim kamoli bor,
Oyning qachon sening kibi husn-u jamoli bor.
Ilgin o`pub oyoqina ko`nglak yengi tushar,
Bilmon, aning boshinda dog`i ne xayoli bor?
Og`zini bor desam, aning hech vujudi yo`q,
Belini yo`q desam, vale ehtimoli bor.
Husn-u jamol ichinda nechakim kamoli bor,
Oyning qachon sening kibi husn-u jamoli bor.
Zulfuni tong nasimi tushurmish qulog`ina,
Bu so`zni bir aytqali kimning majoli bor!
Nuqsoni bor har ishta bechora Lutfiyning,
Dilbar jamoli vasfida lekin kamoli bor.
Husn-u jamol ichinda nechakim kamoli bor,
Oyning qachon sening kibi husn-u jamoli bor.
