• Ozodbek Nazarbekov - Onam bo'lsaydi

    Ozodbek Nazarbekov

    Onam bo’lsaydi

    Yarim ko’nglim qani to’lsaydi,
    Go’dak qalbim diydor qo’msaydi,
    Sochlari oq, hasta bo’lsa ham
    Orangizda onam bo’lsaydi. (x2)

    Xo’p yosh edim, yosh qolib ketdim,
    Ko’zlarimda yosh qolib ketdim,
    Yosh boladay erkalab aytdim,
    Orangizda onam bo’lsaydi.
    Yosh boladay erkalab aytdim,
    Orangizda onam bo’lsaydi.

    Onasi bor ko’ngli oydami,
    Davralarda yoki to’ydami,
    So’nggi qator, so’nggi joydami
    Orangizda onam bo’lsaydi.

    Farzandlarin to’yin ko’rmagan,
    Nabiralar bo’yin ko’rmagan,
    Hech bo’lmasa qirqqa kirmagan,
    Orangizda onam bo’lsaydi.

    Yarim ko’nglim qani to’lsaydi,
    Go’dak qalbim diydor qo’msaydi,
    Sochlari oq, hasta bo’lsa ham
    Orangizda onam bo’lsaydi.

    Sochlari oq, hasta bo’lsa ham
    Orangizda onam bo’lsaydi.