• Ko`zungdek kezguchi ayyora yo`qtur,
    Qoshingtek bir pari makkora yo`qtur.

    Fusunlar birla yer g`amzang jigarni,
    Aningtek ham yana xunxora yo`qtur. (x2)

    Seni ko`rmay o`larman gar yo`luqsam,
    Junundin toqati nazzora yo`qtur.

    Kichik og`zing g`aminda oshiqingg`a,
    Uluq tinmoqdin o`zga chora yo`qtur.

    Ko`ngullar dardig`a gar chora qilsang,
    Meningtek dunyoda bechora yo`qtur.

    Netar lola turub yobonda muncha,
    Uyotingdin agar ovora yo`qtur.

    Jafo ko`p qilmakim ko`nglung masallik,
    Bu Lutfiy joni sentek xora yo`qtur.

    Ko`zungdek kezguchi ayyora yo`qtur…