• Ozodbek Nazarbekov - Yorim, jonim

    Ozodbek Nazarbekov

    Yorim, jonim

    (Yorim…)
    Endi men ko’nglimni uzolmayman,
    Ahd qildim, ahdimni buzolmayman.
    Hijronli kunlarni cho’zolmayman,
    Ko’nglimning so’ziga kiraveraman,
    Yana seni yaxshi ko’raveraman,
    Yorim, jonim, yorim.

    Qaxr bilan dedim o’zimdan o’zim,
    Yoningga qaytmayman – shu so’nggi so’zim!
    Hech kimga bermayin, ey shahlo ko’zim,
    Sog’inchli qo’shig’im aytaveraman,
    Ketsam ham yoningga qaytaveraman,
    Yorim, jonim, yorim.

    So’zingni tinglasam – ranjibsan biroz,
    Ko’nglingni bilmayin qiynaganim rost.
    Yoningda bo’layin, qilma e’tiroz,
    Yorim, jonim.
    Olmasang yana gul tutaveraman,
    Mehrni o’zingdan kutaveraman.
    Yorim, jonim, yorim.