• Saida Rametova - Opalarim-singillarim

    Saida Rametova

    Opalarim-singillarim

    Dunyo ko`rki sizdan olmish andozalar,
    O`zbegimning bekalari, xonzodalar. (x2)
    Uyimizning farishtasi, ozodalar, {x2}
    Zulfi gavhar sizsiz, tillo kokillarim,
    Baxtima sog` bo`ling, opa-singillarim. (x2)

    Opalarim, singillarim,
    Guldek nozik ko`ngillarim. (x2)

    Bor nazokat, husn-chiroy sizda asli,
    Oftoblar ham sizning shirmoy yuzda asli. (x2)
    Jannat yo`li sizlar bosgan izda asli, {x2}
    Iforlari xushbo`y rayhon-jambillarim,
    Baxtima sog` bo`ling, opa-singillarim. (x2)

    Opalarim, singillarim,
    Guldek nozik ko`ngillarim. (x2)

    Halovat yo`q sizning kuygan joningizda,
    Mingta tashvish yurar doim yoningizda. (x2)
    Zahmat zahri yashar yurak qoningizda, {x2}
    Ne tilasa har murodi hosillarim,
    Baxtima sog` bo`ling, opa-singillarim. (x2)

    Opalarim, singillarim,
    Guldek nozik ko`ngillarim. (x2)

    Qaldirg`ochning juft qanoti qoshlaringiz,
    To`kilmasin marjonday ko`z yoshlaringiz. (x2)
    To`y-bazmdan chiqmasin hech boshlaringiz, {x2}
    Otash kuychi, siz g`azalxon bulbullarim,
    Baxtima sog` bo`ling, opa-singillarim. (x2)

    Opalarim, singillarim, har murodi hosillarim,
    Opalarim, singillarim, sizsiz tillo kokillarim.
    Opalarim, singillarim, siz g`azalxon bulbullarim,
    Opalarim, singillarim, guldek nozik ko`ngillarim.

    Ushbu qo`shiq matni uchun Shahnoza (@shahnoz_art)ga minnatdorchilik bildiramiz.