• Salohiddin Azizboyev - Gunohimmi yolg'izim

    Salohiddin Azizboyev

    Gunohimmi yolg’izim

    Gullar ichra tanlaganim, sevganim
    Gunohimmi, gunohimmi, yolg`izim? (x2)
    Yaprog`idan shabnam tobda o`pganim
    Gunohimmi, gunohimmi, yolg`izim?

    Ko`ngling ko`chasidan kuylar izladim,
    Saroylarga tushmas bo`ldi izlarim,
    Mehr to`la ma’yus mening ko`zlarim
    Gunohimmi, gunohimmi, yolg`izim?

    Mehr to`la ma’yus mening ko`zlarim
    Gunohimmi, gunohimmi, yolg`izim?

    Oh, bir qayrilsang, kuning o`tmay qolarmu?
    Odam odamdan shunday ham o`ch olarmu?
    G`arib holim seni o`yga solarmu?
    Gunohimmi, gunohimmi, yolg`izim?

    G`arib holim seni o`yga solarmu?
    Gunohimmi, gunohimmi, yolg`izim?

    Baxt so`rdingmi, taxt so`rdingmi Ollohdan?
    Oh, tush ko`rdingmi ayvonlari tillodan? (x2)
    Davlat so`rmay, so`rganim Xudodan –
    Gunohimmi, gunohimmi, yolg`izim?

    To`ying o`tsa, tong otguncha to`lg`onsam,
    To`yxonada gulxan yonsa – men yonsam,
    Gar unutsang, unutolmay o`rtansam
    Gunohimmi, gunohimmi, yolg`izim?

    Gar unutsang, unutolmay o`rtansam
    Gunohimmi, gunohimmi, yolg`izim? {x2}

    Ushbu qo`shiq matni uchun Shahnoza (@shahnoz_art)ga minnatdorchilik bildiramiz.