• Mehr nuri yog`ar doim ko`zingizdan, ustozlar, {x2}
    Yursam deyman, bu tabarruk izingizdan, ustozlar. {x2}

    Chin insonlik kitobiga baxtu hikmat bitibsiz, {x2}
    Odob ila bilim oldim so`zingizdan, ustozlar. {x2}

    Qalbingizning yo`q g`ubori, mehribonsiz shunchalar,
    Quyosh olmish haroratin yuzingizdan, ustozlar.

    Fan bog`ining bog`bonisiz, charog`bonsiz ko`ngilga-yo,
    Ming ehtirom o`g`lingizdan, qizingizdan, ustozlar.

    Joy oldingiz bir umrga shogird yurak to`ridan,
    Mo`min hayot darsin o`qir o`zingizdan, ustozlar. {x2}

    Mehr nuri yog`ar doim ko`zingizdan, ustozlar…