• Sardor Mamadaliyev - Muhabbat yosh tanlamaydi

    Sardor Mamadaliyev

    Muhabbat yosh tanlamaydi

    Har bir oshiq bog`ga kirsa, bir gul tanlar,
    Nolalari qalbiga mos bulbul tanlar.
    Odamlarga hayron bo`lmang, odamlarga,
    Muhabbat yosh tanlamaydi, ko`ngil tanlar.

    Odamlardan hayron bo`lmang, odamlardan,
    Muhabbat yosh tanlamaydi, ko`ngil tanlar.

    Yoshi o`tib sevdim desa, hayron bo`lmang,
    Sochidagi oqni sana, deya kulmang.
    Zinhor o`tgan yillarni siz hisob qilmang,
    Muhabbat yosh tanlamaydi, ko`ngil tanlar. {x2}

    Sevmaganlar shirin baxtni qaydan bilsin,
    Dili yo`qlar bu ne’matni qaydan bilsin,
    Qalbi muzlar muhabbatni qaydan bilsin,
    Muhabbat yosh tanlamaydi, ko`ngil tanlar. {x2}

    Qo`rqmay boqing muhabbatning ko`zlariga,
    Yuzingizni mahkam bosing yuzlariga,
    Quloq tuting Ahad Qayum so`zlariga:
    Muhabbat yosh tanlamaydi, ko`ngil tanlar. {x2}

    Ushbu qo`shiq matni uchun Rauf Nazirjonovga minnatdorchilik bildiramiz.