• Sardor Rahimxon - Otamdan yodgorim onam

    Sardor Rahimxon

    Otamdan yodgorim onam

    Dilim berganlarim dilimdan yiroq,
    Ko`ngil tutganlarim zimdan begona.
    Men neki bo`lmayin – osmon-u tuproq,
    Faqat siz qoldingiz men bilan, ona. {x2}

    Yuzda ajin fursatdan ijod,
    Ko`ksingizda dard shundoq ham bisyor.
    Onam yoshin to`kdirma, hayot,
    Axir onam ko`zida men bor,
    Axir onajonim ko`zida men bor.

    Munisam, xokisor onam,
    Otamdan yodgorim onam.
    Yo`llarim yoritguvchi shamchirog`im,
    Ko`ksimda tumorim onam.

    Qo`shiqlar bitdim barchaga talay,
    Boy berildi fursatlar yana.
    Mehringizga mos qo`shiq topolmay
    Men kechikdim, kechiring, ona. {x2}

    Hayot so`qmoq, tikan har qadam,
    Kaft tutdingiz tovonim uzra.
    Oh, otamdan omonatginam,
    Siz eltdingiz meni bu kunga.

    Oh, otamdan omonatginam,
    Siz eltdingiz meni bu kunga.

    Munisam, xokisor onam,
    Otamdan yodgorim onam.
    Yo`llarim yoritguvchi shamchirog`im,
    Ko`ksimda tumorim onam.

    U kunlardan qo`rqaman yomon,
    Umrin ko`l qil, Xudoyim, oxir.
    Shuncha chekkan g`am sabab onam,
    Ko`p yashashga haqli-ku axir.

    Shuncha chekkan g`am sabab onam,
    Ko`p yashashga haqli-ku axir.

    Chiroyligim, go`zalim onam,
    Suyib, o`pib, ko`p erkalasam,
    Siz bergan bu mehr yonida
    Noo`rindir yorim rashki ham.

    Munisam, xokisor onam,
    Otamdan yodgorim onam.
    Yo`llarim yoritguvchi shamchirog`im,
    Ko`ksimda tumorim onam. (x2)