• Sevara Nazarxon - Kunlarim sensiz

    Sevara Nazarkhan

    Kunlarim sensiz

    Kunlarim sensiz-u, tunlaring mensiz,
    Yana qancha umr oldinda kutar?
    Sevgi bisotida bebaho, tengsiz,
    Bir lahzalik visol bizni ovutar.

    Yulduz misol yondik, oy kabi to’ldik,
    To’le tilab zor-zor qoldi bu qo’llar.
    Biz bitta yurakka aylanib bo’ldik,
    Ikkiga ajralmay tursaydi yo’llar.

    Umr shirin qo’rquv, kechmas behadik,
    Sog’inch sovg’a bo’ldi taqdirimizga.
    Bizlar birga bo’lish uchun sevmadik –
    Shunchaki yoqqandik bir-birimizga.

    Ammo g’am chekmoqlik bobida tengsiz
    Bu yurak sog’inchni kaftida tutar.
    Kunlarim sensiz-u, tunlaring mensiz,
    Yana shuncha umr oldinda kutar.

    Yulduz misol yondik, oy kabi to’ldik,
    Tole tilab zor-zor qoldi bu qo’llar.
    Biz bitta yurakka aylanib bo’ldik…

    Kunlarim sensiz-u, tunlaring mensiz,
    Yana qancha umr oldinda kutar?
    Sevgi bisotida bebaho, tengsiz,
    Bir lahzalik visol bizni ovutar.