• Olib ket meni o`sha zulmatli tundan,
    Olib ket meni yomg`irli bu bo`rondan.
    Xalos et meni,
    Bo`g`ayotgan armondan qutqargin meni.

    Kulib kel yana, sezay iforlaringni,
    Kulib kel yana, tinglayin so`zlaringni.
    Mehr ber yana,
    Uzatgin qo`llaringni, yurakda yara.

    Yordam ber yorug`likni ko`rish uchun,
    Yordam ber, dardlarim uzundan-uzun.
    Yordam ber, axir shuncha chekkan azoblarim
    Faqatgina sen uchun, bari sen uchun. (x2)

    Sen uchun borimdan kechdim,
    Yolg`izlik sharobin ichdim.
    Mastman endi butun umrga,
    Nahotki hech qachon bo`la olmaymiz birga?

    Dardlarim bunchalar uzun,
    Hamon yo`llaringda bu ikki ko`zim.
    Tez orada bu yurak bo`lar ado,
    Uzoqlardan bergin bir sado.

    Ortingga qara, axir o`tdi shuncha yillar,
    Ortingga qara, qarab qoldi senga ko`zlar.
    Dilimda yara,
    Butun umr malham izlab, topmadim mana.

    Xabar ol bir bor, ozroq bir zumga bo`lsa ham,
    Xabar ol bir bor, yuragimda to`la alam.
    Qalbimda ozor, oradan yillar o`tsa ham,
    Xastaman, bemor, xastaman, bemor.

    Kunim o`tar, lekin unda bir ma’no yo`q,
    Sensizlik – unga topmadim davo yo`q.
    Zarursan menga, buni o`zing bilasan,
    Bilib tursang ham, chetdan kuzatib turasan.

    Nahotki shunchalar ham tosh bo`lsa yuraging,
    Tark etib ketding meni bila turib keraging.
    Sezaman, endi hech qachon kelmaysan qoshimga,
    Ey Tangrim, sabr bergin bardoshimga.

    Yordam ber yorug`likni ko`rish uchun,
    Yordam ber, dardlarim uzundan-uzun.
    Yordam ber, axir shuncha chekkan azoblarim
    Faqatgina sen uchun, bari sen uchun. (x2)