• [Shahzoda]
    Ket, yuragimni o’zing bilan olib ket,
    Mening ushalmagan baxtim bo’lib ket.
    Mayli, qolsin yolg’iz vujudim,
    Seni deb urar yuragim olib ket. (x2)

    Gohi atrof menga go’yo dushman,
    Gohi sahroda qanotsiz qushman.
    Izlab sevgisin yo’qotgan o’tmishman,
    Go’yo bir tushman.

    Yig’lar, orzularim yomg’ir bo’lib bo’zlar,
    Tuyg’ular seni qidirib.
    Bilmay sen ketarsan qalbim so’ndirib,
    Armonim bo’lib.

    Mayli ket, yuragimni o’zing bilan olib ket,
    Mening ushalmagan baxtim bo’lib ket.
    Mayli, qolsin yolg’iz vujudim,
    Seni deb urar yuragim olib ket, olib ket.

    [Shoxrux]
    Ilgaridagiday sensiz charaqlamas quyosh,
    Ko’rmaganini ko’radi shekilli yosh bosh.
    Yo’llarimda g’arib, dardu g’am, alam yo’ldosh,
    Hozircha nachora, men yengildim, berib bardosh.

    Xatolarimni yuvadi ko’zimdan oqqan yosh,
    Sen eding sirdosh, men esa beyor, bebosh.
    Umidimni uzgim kelmas, qalbimga berib ozor,
    Birga o’tkazgan kunlarimni qaytargin bir bor.

    [Shahzoda]
    Ket (qayt-qayt), yuragimni o’zing bilan olib ket,
    [Shoxrux]
    Ilgaridagiday sensiz charaqlamas quyosh.
    [Shahzoda]
    Mening ushalmagan baxtim bo’lib ket.
    [Shoxrux]
    Sen eding sirdosh, men esa bebosh.
    [Shahzoda]
    Mayli qolsin yolg’iz vujudim,
    Seni deb urar yuragim olib ket.
    [Shoxrux]
    Birga o’tkazgan kunlarimni qaytargin bir bor.

    [Shahzoda]
    Olib ket…