• Shaxriyor - Vatan

    Shaxriyor

    Vatan

    Assalomu alaykum, ey moviy osmon,
    Sen mening muqaddas beshigim, Vatan.
    Meni porloq kunlar chorlagan zamon,
    Dunyoga ochilgan eshigim vatan.

    Sen menga azizsan ona sutidek,
    Go`dakligimga guvoh bo`lganim.
    Ilk bor qadamni qutlab, quvonib,
    Sevgim sirlaridan ogoh bo`lganim.

    Yurt kezib, sog`insam tuproq gardini,
    Sog`inchimdan ko`zi yoshlangan vatan.
    Mening yuragimga tutashib yo`li,
    Mening ostonamdan boshlangan vatan.

    Men uchun vatan – O`zbekistonim
    Qayerdan boshlanar?
    Men uchun vatan, ona diyorim
    Qayerdan boshlanar?

    Men uchun vatan – O`zbekistonim
    Yurakdan boshlanar.
    Men uchun vatan, ona diyorim
    Yurakdan boshlanar.

    Men uchun vatan – O`zbekistonim,
    Men uchun vatan – ona diyorim.

    Ilk bor aytgan so`zim, dunyoga kelib,
    Yo`llarga kuzatgan O`zbekistonim.
    Quyoshdek nur sochib, jilmayib kulib,
    Qo`llarin uzatgan O`zbekistonim.

    Onamsan, otamsan neki ulug` bor,
    Sening noming bilan aytilar vatan.
    Bu dunyoga kelib, senga kelinar
    Va bir kuni senga qaytilar, Vatan.

    Mening ilk salomim, alik olganim,
    Ilk bor qadamimni qutlagan makon.
    Sevgi izhorida entikkan yurak,
    Mening muqaddasim, ey O`zbekiston!

    Men uchun vatan – O`zbekistonim
    Qayerdan boshlanar?
    Men uchun vatan, ona diyorim
    Qayerdan boshlanar?

    Men uchun vatan – O`zbekistonim
    Yurakdan boshlanar.
    Men uchun vatan, ona diyorim
    Yurakdan boshlanar.

    Men uchun vatan – O`zbekistonim,
    Men uchun vatan – ona diyorim.

    Ushbu qo`shiq matni uchun Bayram O`serov (bayko)ga minnatdorchilik bildiramiz.