• Sherali Jo'rayev - Olis yo'llar

    Sherali Jo'rayev

    Olis yo’llar

    Baxtu-tole’ini qidirgan odam,
    Olis yo`lga chiqqan-ey yurtdoshim, og`am,
    Bardam bo`l, horma, dadil qo`y qadam, {x2}
    Iloyim, {x3} yo`llaring bexatar bo`lsin.

    Olis ipak yo`l bu, {x2} taramlari ko`p,
    Chinu farang, hindning sanamlari ko`p,
    Turku forsning qoshi qalamlari ko`p,
    Bu yo`lda topganing haloling bo`lsin. {x2}

    Olam bozor o`lmish – barcha xaridor,
    Har kim ne ilinsa, sotishga tayyor.
    Kimdur do`stin sotar, kim tashna, kim zor,
    Bu yo`lda iymonin asragan kim bor? {x2}

    Tiriklik bozori boshingga tushdi,
    Er-ayol, keksa-yu yoshingga tushdi,
    Burgut ham rizq tilab qoshingga tushdi,
    Kaftin ochib kelsa, ko`ksing ochilsin-ey,
    Qalbing muruvvatu mehrga to`lsin! {x2}

    Yo`llar olis, olis yo`llar, olis makoning,
    Bu yo`llarda omon o`lsin din-u iymoning.

    Shu yo`llarda omon o`lsin din-u iymoning…