• Shohruhxon - Guli (O'g'ri bola)

    Shohruhxon

    Guli (O’g’ri bola)

    Bu dunyo – bir kam dunyo ekan,
    Unda qancha taqdirlar sarson.
    Bu taqdirmi, qismat yoki shu hayot,
    Bunda qancha alam va armon.

    Bir Guli degan qizning hayotini
    Misolida bildim o`zimga:
    Qanchalar beshafqat hayot sinovi,
    Qiz ko`ngli ishonuvchan nega?

    Har bir qizga o`xshab Gulining ham
    Ko`ngli edi orzuga to`la.
    Lek o`ylamagan edi taqdiriga
    Bitadi deb o`g`ri bola.

    Bexabar qiz hayron, ko`ngli g`ash edi
    Qayerdan deb qimmat sovg`alar?
    Kun kelib hammasini u angladi,
    O`g`rini ushlab ketdilar.

    Bu holat qiz uchun sevgilidan
    Ayriliq edi bir umrga.
    Chidolmay yig`lardi qizning yuragi,
    O`g`ri qamaldi sakkiz yilga.

    Sog`inchli uzundan-uzun xatlarni
    Yozib ovutardi qiz o`zini.
    Har lahza ham juda sekin o`tardi,
    Vaqt esa hukmini surardi.

    Necha yil o`tib, bir kuni bir yigit
    Izlab keldi Gulini so`rab.
    Ikki yil qoldi, katta salom, deya
    Do`stiman, deb kirdi uyiga.

    Quvonchi sig`masdan Guli darholda
    Darturxon tuzatdi mehmonga.
    Sevgilisi sog`-omonligin bilib,
    Qizning yetdi boshi osmonga.

    Yuvinib, qornini to`yg`azib yigit,
    Qarasa sharoit juda zo`r.
    Hayotda shayton bor deyishadiku,
    Qizni o`rashga tushdi nonko`r.

    Mehribon ko`rsatib o`zini yigit,
    Gulining qo`liga berdi may.
    Sevgiling qamoqdamas, deb yolg`onni
    To`qiy boshladi ko`zin yummay.

    Sevganing aslida ikki yil oldin
    Qutilib chiqqan qamoqdan.
    Seni allaqachon unutib ketgan,
    Sen esa kutib o`tiribsan.

    Bu gaplarni eshitib Guli
    Achchiq alamidan to`xtamay ichdi.
    Olti yil o`tgan bedor tunlariga
    Rosa ham achinib yig`ladi.

    Paytdan foydalanib yigit ablah,
    Guliga ehtirosi oshdi.
    Kutilgan vaziyat – yolg`on o`xshadi,
    Do`stining qiziga erishdi.

    Ancha vaqt yigit Guli bilan
    Qaddini urib yashadi.
    Kun kelib boshqa bilan yurib, tag`in
    Qizni qarzga botirib ketdi.

    Peshonasi sho`r Guli azoblarda
    Qarg`adi o`zini ko`plab.
    Yig`ladi o`sha o`g`ri bolani
    Uchratgan kunini la’natlab.

    Nihoyat qo`yilgan o`sha muhlat –
    Oradan sakkiz yil ham o`tdi.
    O`g`ri bola uchun tugadi muddat,
    Aniq vaqtida uyga qaytdi.

    Yugurib kelardi sog`ingan bola,
    Bosaman deb qizni bag`riga.
    Endi bo`ldi, to`g`ri yashayman, deya
    So`z berib kelgandi o`ziga.

    Guli esa bag`ri qonga to`lib,
    Bolani ko`ksidan itardi.
    Qancha bo`lmagan gaplarni gapirib,
    O`g`rini yonidan haydadi.

    Shunda ham bola tabassum bilan
    Gulini ko`ziga termuldi.
    Kutmagan edi buni sevgilidan,
    U qizning poyiga tiz cho`kdi.

    Farishtam, deya qizning qo`llarini
    Ushlab mahkam labiga bosib,
    Bola o`zini tashladi so`nggi bor
    Gulining ko`zlariga boqib.

    Ushbu qo`shiq matni uchun Bayram O`serov (bayko)ga minnatdorchilik bildiramiz.