• Olloh bizni baxt yo`lida uchrashtirdi,
    Taqdirimiz iplarini tutashtirdi. (x2)
    Qalbimizga sadoqatli sevgi berib, {x2}
    Ishq yo`lida bizni nogoh tenglashtirdi.

    Yigit-qizga ishqning yo`li baxt keltirsin,
    Har bir uyga nasib etsin go`zal kelin. (x2)

    Xazon bo`lmas sevgimizning g`unchalari,
    Tor emas, keng ko`nglimizning ko`chalari. (x2)
    Samarqandu Buxoroga yetib borsin, {x2}
    Tuganmas baxt, sevgimizning qissalari.

    Yigit-qizga ishqning yo`li baxt keltirsin,
    Har bir uyga nasib etsin go`zal kelin. (x2)

    Duo qiling, duoyingiz ko`kni quchsin,
    Mustahkam bu oilaga quvonch tutsin.
    Mangu asrab vafo nomli tuyg`u sirin, {x2}
    Bo`yi tutsin muhabbatning atirgulin.

    Yigit-qizga ishqning yo`li baxt keltirsin,
    Har bir uyga nasib etsin go`zal kelin. (x2)

    Ushbu qo`shiq matni uchun Shahnoza (@shahnoz_art)ga minnatdorchilik bildiramiz.