• Subxan - Farishta

    Subxan

    Farishta

    Olis yulduzlarga zimdan nazar sol,
    So`ngsiz kechalarning sokin bag`rida.
    Oyning shulalarin hovuchingga ol
    Va ulardan so`ra sevgim haqida.

    Namli kipriklaring ustiga qo`ngan
    Kapalakning rangin sochlarin tarar.
    Shabnam bo`lib, qonli ko`z yoshim tomgan
    Chamanlardan sevgim haqida so`ra.

    Ma’yus ko`zlarimning qaroqlarida
    Majnun muhabbatning tug`yonini ko`r.
    Sermavj dengizlarning qirg`oqlarida
    To`lqinlardan sevgim to`g`risida so`r.

    Vasling firoqida jon berar bo`lsam,
    Lablarimga qaynoq lablaringni sur.
    Hayotga qaytarman o`shanda birdan,
    Sen o`limdan ishqim qudratini so`r.