• Tohir Mahkamov - Do'st chiqmas ekan sizdan

    Tohir Mahkamov

    Do’st chiqmas ekan sizdan

    Kun botib, oy chiqadi,
    Dardim yurak siqadi,
    Chiqsa jonim chiqadi,
    Do`st chiqmas ekan sizdan. (x2)

    Dushmanim ko`p bilovdim,
    Bitta do`st ham tilovdim,
    Bir tavakkal qilovdim,
    Do`st chiqmas ekan sizdan. (x2)

    Chiqmagan jondan umid,
    Vaqti vijdondan umid,
    Nomi insondan umid,
    Do`st chiqmas ekan sizdan. {x2}

    Va’dalar bo`ldi uloq,
    Qasamga to`ldi quloq,
    Bari zo`r chiqdi, biroq
    Do`st chiqmas ekan sizdan. (x2)

    Dushmanim ko`p bilovdim,
    Bitta do`st ham tilovdim,
    Bir tavakkal qilovdim,
    Do`st chiqmas ekan sizdan. (x2)

    So`z yetdi intihoga,
    O`rin yo`q iltijoga,
    Sizni soldim Xudoga,
    Do`st chiqmas ekan sizdan. {x2}