Ummon guruhi - Ko'prik

Ummon

Ko’prik

Singan ko’prik,
Sen u tomon, men bu tomondaman.
Lek sen tomonga o’ta olmayman,
Uzildi rishtalar, alvido.

Ora jarlik,
Sen ko’l tomon, men cho’l tomondaman.
Bir amallab chidab o’taman,
Alamlarim bilan, alvido.

Mehr ham so’ndi,
Yuragim bo’ldi yarimidan u,
Gullarga ko’mdi,
Xazonga bo’kdi evaziga u.

Tunlar uyqu kelmas, yuragida emasman endi,
Singan shisha kabi chil-chil bo’ldi yurak.
Yurak uni so’rar, lekin u qaytmas bo’lib ketdi,
So’rab-so’rab bu dil-dil, oxir ko’nadi.

Tunlar uyqu kelmas, yuragida emasman endi,
Singan shisha kabi chil-chil bo’ldi yurak.
Yurak uni so’rar, lekin u qaytmas bo’lib ketdi…

Sinmasidan oldin ko’prik, san u tomon, man bu tomon,
San man tomon yugurarding bag’ringni ochib, quvonchga toshib.
Sevarding hammadan ko’proq, to’lib, ko’pirib,
Piyolada turgan suv kabi ketdi mehring to’kilib, qoldim bo’g’ilib.

Bilmadim, endi qanday yashay, nimalar bilan ovunib,
Sevgi dardiga qoldim ko’milib.
Kechalar yozardi xatlar, sizni sog’indim deb, ko’rishaylik deb,
Ko’prik ustida, ertaga tongda, har kungi vaqtda.

Hozir esa yo’q bo’lib ketdi mandan yiroqda,
Yangi ko’prik ustida, yangicha hayot.
Eskisi sinib ketdi, izlariga bo’lib mushtoq.
Kutdim tunni tongga ulab uzoq.
Hammasi kelib taqalgani, bo’ldi tamom.

O’, shu ko’prik ustida qolib ketdi shirin-shirin diydorlar,
Ko’prik sinib, jarlikka tushib ketdi barcha izhorlar.
O’, o’sha ko’prik ustida qolib ketdi shirin-shirin diydorlar,
Eh, ko’prik sinib, jarlikka tushib ketdi barcha izhorlar.

Mehr ham so’ndi,
Yuragim bo’ldi yarimidan u,
Gullarga ko’mdi,
Xazonga bo’kdi evaziga u.

Tunlar uyqu kelmas, yuragida emasman endi…
Yurak uni so’rar, lekin u qaytmas bo’lib ketdi…
Qaytmas bo’lib…

Tunlar uyqu kelmas, yuragida emasman endi,
Singan shisha kabi chil-chil bo’ldi yurak.
Yurak uni so’rar, lekin u qaytmas bo’lib ketdi…
So’rab-so’rab bu dil-dil, oxir ko’nadi.

Qo'shiq haqida ma'lumot

Nomi:
Ko’prik
Xonanda:
Ummon
Muallif:
Bastakor:
Klipmeyker:
Albom:
Yubordi:
Sana:
February 15, 2016