Vohid Abdulhakim

Kayfiyatim

Kayfiyatim zo`r bugun,
Xursandman hayotimdan.
Odamlar mazza qilsin
Ashulam, bayotimdan.

Tongda bulbul ko`nglimni
Xonish bilan oladi.
Bugungi kun bilaman,
Juda baxtli bo`ladi. (x2)

Tog`lar boqib uzoqdan,
Bag`riga meni chorlar.
Esib mayin shabboda,
Qalbimga ishq soladi.

Kayfiyatim zo`r bugun,
Xursandman hayotimdan.
Odamlar mazza qilsin
Ashulam, bayotimdan. (x2)

Sevgan yorim men tomon
Boqib misli farishta,
Jilmayadi, aytadi:
Uyni qildim sarishta.

O`g`il-qizim quvnashib,
Sakrashar qo`zichoqday.
Baxtiyor etar meni
Bir qiqirlab kulishda.

Kayfiyatim zo`r bugun,
Xursandman hayotimdan.
Odamlar mazza qilsin
Ashulam, bayotimdan. (x2)

Boqdim yurtimning obod,
Ozoda ko`chasiga –
Kunduzi gavjum bo`lur,
Osuda kechasiga.

Ko`rkam, ajib binolar
Yurtimning mahobati,
Sayyohlar qoyil qolsin
Kirib bir nechasiga.

Kayfiyatim zo`r bugun,
Xursandman hayotimdan.
Odamlar mazza qilsin
Ashulam, bayotimdan. (x2)

Odamlar mazza qilsin
Ashulam, bayotimdan.